ХАМТРАН АЖИЛЛАХ САНАЛ

АРГЕНТИНЫ ХӨДӨӨ АЖ АХУЙН ТЭРГҮҮН ТУРШЛАГА МОНГОЛД НЭВТРЭХ БОЛОМЖ НЭЭГДЭВ

Огноо: 2017.10.03 | Салбар: ХАМТРАН АЖИЛЛАХ САНАЛ | Нийтлэлч: У.Туул

АРГЕНТИНЫ ХӨДӨӨ АЖ АХУЙН ТЭРГҮҮН ТУРШЛАГА МОНГОЛД НЭВТРЭХ БОЛОМЖ НЭЭГДЭВ


Монгол Улсаас Бүгд Найрамдах Аргентин Улсад суугаа Онц бөгөөд Бүрэн эрхт Элчин сайд Ч.Сосормаа тус улсын Хөдөө аж ахуйн яам, Гадаад харилцааны яамны Олон улсын хамтын ажиллагааны газрын албан тушаалтнуудтай хоёр орны хөдөө аж ахуйн салбарын хамтын ажиллагааг өргөжүүлэх асуудлаар уулзалт зохион байгууллаа.

Уг уулзалтын үеэр Аргентины тал өөрийн Засгийн газраас хэрэгжүүлдэг техникийн хамтын ажиллагааны хөтөлбөртөө манай улсыг хамруулахаа мэдэгдэв. Уг хөтөлбөрт хамрагдсанаар манай улс Аргентины санхүүжилтээр тус улсын хөдөө аж ахуйн салбарын туршлагаас суралцах, ялангуяа малын ген, биотехнологи, био-инженерчлэл, шүлхийн эсрэг дархлаажуулалт болон бусад чиглэлээр хамтарсан төсөл хөтөлбөр хэрэгжүүлэх, мэргэжилтэн бэлтгэх зэрэг боломж нээгдэх юм.

Аргентин Улсад хөдөө аж ахуйн салбар өндөр хөгжсөн бөгөөд мах бэлтгэл, арьс шир боловсруулалт, органик хүнсний экспортоор дэлхийд дээгүүр жагсдаг төдийгүй малын шүлхий өвчнөөс бүрэн ангижирсан орон юм. Тус улс зөвхөн 2016 онд л гэхэд дэлхийн 52 улсад өмнөд-өмнөдийн хамтын ажиллагааны 200 гаруй хөтөлбөр амжилттай хэрэгжүүлээд байгаа аж.

         

Сэтгэгдэл үлдээх

HTML Content https://www.youtube.com/watch?v=1Aqv9lKRqKY -     YAK  DOWN LINK IN YOUTUBE

Монгол хонь, хонины ноос бэлтгэх- Малчид, бэлтгэн нийлүүлэгчидэд зориулсан видео хичээл

https://www.youtube.com/watch?v=jU4MxqsWMuI&t=59s 

HTML Content

Салбар: | Төрөл:
Хаяг:

| | | facebook